الهيثم
الهيثم (عربی: أبو علي، الحسن بن الحسن بن الهيثم)، جو عموماً ابن الہیثم یا الہازن (تقریباً 965 – تقریباً 1040) کے نام سے معروف ہیں، ایک عرب یا فارسی سائنس دان، ہمہ جہت مفکر (polymath)، ریاضی دان، ماہرِ فلکیات اور فلسفی تھے جنہوں نے بصریات (optics)، فلکیات، ریاضی، موسمیات، بصری ادراک (visual perception) اور سائنسی طریقۂ کار میں نمایاں خدمات انجام دیں-
اقتباسات
[ترمیم]- میں ہمیشہ علم اور حقیقت کی تلاش میں رہا، اور میرا یہ یقین بن گیا کہ اللہ کے نور اور اس کے قرب تک پہنچنے کے لیے علم اور سچائی کی جستجو سے بہتر کوئی راستہ نہیں ہے۔
- جو شخص سچائی کی تلاش کرتا ہے، وہ صرف اپنے پیشروؤں کی تحریروں کا مطالعہ کر کے اور ان کے بارے میں اپنی اچھی رائے پر اکتفا کر کے آگے نہیں بڑھ سکتا۔ جو کوئی سائنسی کاموں کا مطالعہ کرتا ہے، اگر وہ حقیقت تک پہنچنا چاہتا ہے، تو اسے ہر پڑھی ہوئی چیز کا ناقد بننا ہوگا۔ اسے دلائل اور وضاحتوں کو نہایت باریکی سے جانچنا چاہیے اور ہر زاویے اور پہلو سے ان پر سوال اٹھانا چاہیے۔
