ویکی اقتباس:آج کا اقتباس/اگست 2026

اس صفحے پر اگست 2026 میں صفحہ اول پر شایع ہونے والے آج کی اقتباسات کی فہرست ہے:

1 اگست

ایک ایسا مصنف جسے کم ہی لوگ جانتے ہیں، کہتا ہے: "کسی جنگ کے چالیس سال بعد، جنگ میں حصہ نہ لینے والے شخص کے لیے یہ بحث کرنا نہایت آسان ہوتا ہے کہ وہ جنگ کیسے لڑنی چاہیے تھی۔ لیکن گولیوں کی بوچھاڑ اور بارود کے چھائے ہوئے دھوئیں کے درمیان خود موجود رہ کر جنگ کی قیادت کرنا بالکل الگ بات ہے۔ بالکل یہی معاملہ دیگر ہنگامی حالات کا بھی ہے، جہاں عملی اور اخلاقی دونوں پہلوؤں پر غور کرنا ہوتا ہے اور جب فوراً اقدام کرنا ناگزیر ہو جاتا ہے“۔ ~ ہرمن میلول ~

2 اگست

ہر قوم خود غرض ہے اور ہر قوم اپنی خود غرضی کو مقدس سمجھتی ہے۔ ~ انتوان دے سان اگزوپری ~

3 اگست

شہر، بلیوں کی طرح، رات کے اندھیرے میں ہی اپنا اصلی روپ دکھاتے ہیں۔ ~ روپرٹ بروک ~

4 اگست

میں تمام جنگوں کی مخالفت نہیں کرتا۔ میں جس چیز کا مخالف ہوں، وہ ایک بے وقوفانہ جنگ ہے۔ میں جس چیز کا مخالف ہوں، وہ ایک جلد بازانہ جنگ ہے… یہی وہ چیز ہے جس کا میں مخالف ہوں۔ ایک بے وقوفانہ جنگ۔ ایک جلد بازانہ جنگ۔ ایسی جنگ جس کی بنیاد عقل کے بجائے جذبات پر ہو، اصولوں کے بجائے سیاست پر ہو۔ ~ بارک اوباما ~

5 اگست

میں یہ تو نہیں کہوں گا کہ اس توجہ ہٹاؤ نے جنگ کو ٹال دیا، لیکن بہرحال، یہ بات تو طے ہے کہ یہ دھیان بٹانے کی ہی ایک کوشش تھی۔ ~ نیل آرمسٹرانگ ~

6 اگست

مجھے اس بات میں کوئی شک نہیں کہ ہر دور میں ایک عظیم مقصد کارفرما ہے اور گردشِ ایام کے ساتھ انسان کے افکار میں وسعت آتی جاتی ہے۔ ~ الفریڈ ٹینی سن ~

7 اگست

بچوں کے لیے کی جانے والی آپ کی کوئی بھی کاوش کبھی ضائع نہیں جاتی۔ ایسا لگتا ہے جیسے وہ ہم پر دھیان نہیں دے رہے—ہم جو ہر وقت ان کی دیکھ بھال میں لگے رہتے ہیں اور اپنی محبت جتائے بغیر نظریں چرا لیتے ہیں—اور وہ شاید ہی کبھی شکریہ ادا کرتے ہیں، لیکن ہم ان کے لیے جو کچھ بھی کرتے ہیں، وہ کبھی رائیگاں نہیں جاتا۔ ~ گیریسن کیلر ~

8 اگست

ویکیپیڈیا کے لیے میری سالگرہ کی خواہش یہ ہے: آئیے آگے بڑھیں اور دیکھیں کہ ہم آئندہ کیا کر سکتے ہیں۔ ~ جمی ویلز ~

9 اگست

ہر بچے میں ایک بالغ اور ہر بالغ میں ایک بچہ چھپا ہوتا ہے۔ … بچے کے اندر کچھ ایسے رویے اور عقائد پائے جاتے ہیں جنہیں عقلی و فکری ارتقاء تدریجاً ختم کرتا چلا جاتا ہے، جبکہ کچھ دیگر ایسے رویے ہوتے ہیں جو وقت کے ساتھ ساتھ مزید اہمیت اختیار کرتے جاتے ہیں۔ بعد میں پیدا ہونے والے یہ رویے پہلے والے رویوں سے ماخوذ نہیں ہوتے، بلکہ جزوی طور پر ان کے متضاد اور مخالف ہوتے ہیں۔ ~ ژاں پیاژے ~

10 اگست

آپ حکومت کو لوگوں کی روزمرہ زندگی پر حاکمیت دیے بغیر ان کی روحوں اور سوچوں کا مالک نہیں بنا سکتے۔ کاروبار میں حکومت کی وسعت کا مطلب یہ ہے کہ اپنے غلط فیصلوں کے سیاسی نتائج سے بچنے کے لیے، حکومت بلا جھجک اور مسلسل قوم کے اخبارات اور آزادانہ اظہار کے ذرائع کو اپنے مزید اور سخت کنٹرول میں لینے پر مجبور ہو جاتی ہے۔ آزادیٔ صنعت اور آزادیٔ تجارت کے دم توڑتے ہی آزادیٔ اظہارِ رائے بھی زیادہ دیر زندہ نہیں رہتی۔ سوداگری و کاروبار کو سرکاری تحویل میں لینے کو لبرل ازم کا نام دینا ایک باطل نظریہ ہے۔ اس سمت میں اٹھنے والا ہر قدم لبرل ازم کی اصل بنیادوں کو زہر آلود کر دیتا ہے۔ یہ سیاسی برابری، آزادیٔ اظہار، آزاد صحافت اور مساوی مواقع کے اصولوں کو تباہ کر دیتا ہے۔ یہ راستہ مزید آزادی کا نہیں، بلکہ مسلوبِ آزادی کا راستہ ہے۔ ~ ہربرٹ ہوور ~

11 اگست

عقلمند انسان کے لیے کوئی بھی چیز بیکار نہیں ہوتی۔ ~ ژاں دو لا فونتین ~