حسن العسکری

حسن العسکری یا حسن ابن علی العسکری (پیدائش: 3 دسمبر 846ء— وفات: یکم جنوری 874ء) اہل بیت کے بزرگ اور اہل تشیع کے گیارہویں امام تھے۔

اقوال

• دو بہترین عادتیں یہ ہیں کہ اللہ پر ایمان رکھو اور لوگوں کو فائدہ پہنچاؤ۔
• تواضع اور فروتنی یہ ہے کہ جب کسی کے پاس سے گذرو تو سلام کرو اور مجلس میں معمولی مقام پر بیٹھو۔
• غصہ ہر برائی کی کنجی ہے۔

فرائض سے متعلق اقوال

• دنیا کی تلاش میں کوئی فریضہ نہ گنوا دینا۔

زندگی سے متعلق اقوال

• وہ چیز زندگی سے بہتر ہے جس کی وجہ سے تم زندگی کو برا سمجھو۔

دنیاء سے متعلق اقوال

• جو دنیا میں بوؤ گے وہی کاٹو گے۔

موت سے متعلق اقوال

• وہ چیز موت سے بدتر ہے جو تمہیں موت سے بہتر نظر آئے۔
• موت تمہارے پیچھے لگی ہوئی ہے، اچھا بوؤ گے تو اچھا کاٹو گے، برا بوؤ گے تو ندامت ہوگی۔

طہارت و پاکیزگی سے متعلق اقوال

• بہترین عبادت گذار وہ ہے جو فرائض ادا کرتا رہے۔
• بہترین متقی اور زاہد وہ ہے جو گناہ مطلقاً چھوڑ دے۔
• ایک مومن دوسرے مومن کے لیے برکت ہے۔
• طہارت میں شک کی وجہ سے زیادتی کرنا غیر ممدوح ہے۔
• پرہیزگار وہ ہے جو کہ شب کو وقت توقف و تدبر سے کام لے، اور ہر اَمر میں محتاط رہے۔

شخصیت سے متعلق اقوال

• بے وقوف کا دِل اُس کے منہ میں ہوتا ہے اور عقلمند کا منہ اُس کے دِل میں ہوتا ہے۔
• جاہل کی دوستی مصیبت ہے۔
• کوئی کتنا ہی بڑا آدمی کیوں نہ ہو، جب وہ حق کو چھوڑ دے گا تو ذلیل تر ہوجائے گا۔
• معمولی آدمی کے ساتھ اگر حق ہو تو وہی بڑا آدمی ہے۔
• غمگین کے سامنے ہنسنا بے اَدبی اور بدعملی ہے۔
• بلاوجہ ہنسنا جہالت کی دلیل ہے۔

حسد سے متعلق اقوال

• حرص اور لالچ سے کوئی فائدہ نہیں، جو ملنا ہے، وہی ملے گا۔
• حسد کرنے اور کینہ رکھنے والے کو کبھی سکونِ قلب نصیب نہیں ہوتا۔