افریقی ضرب الامثال
افریقہ ایک براعظم ہے، افریقی سے مراد، براعظم افریقہ کے لوگ ہیں۔
ضرب الامثال
[ترمیم]- دشمنوں میں سوتے ہوئے ایک آنکھ کھلی رکھنی چاہیئے۔
- پیسہ تلوار سے بھی تیز ہوتا ہے۔
- مچھلی پانی میں گرے تو گم نہیں ہوتی۔
- کدال اپنے دستے سے اونچی نہیں ہو سکتی۔
- اگر درختوں پر پیسے اگتے تو عورتیں بندروں سے محبت کرتیں۔
- مرغیوں کے غول میں کاکروچ بن بلایا مہمان ہوتا ہے۔
- گرگٹ تب تک رنگ نہیں بدلتا جب تک اسے دوسرے رنگ کا یقین نہ ہو جائے۔
- جسے چمگادڑ کی طرح اڑنے کا شوق ہو، اسے اندھیرے میں دیکھنے کی صلاحیت رکھنی چاہیئے۔
- ضدی مکھی لاش کے ساتھ قبر تک جاتی ہے۔
- ایک ہی تیر والا شکاری احتیاط سے نشانہ لیتا ہے۔
- جب تک ہوا نہ چلے، درخت نہیں ہلتا۔
- سورج جتنا بھی گرم ہو جائے، سمندر خشک نہیں کر سکتا۔
- ایک بار کا مشاہدہ سو بار کے سننے سے بہتر ہے۔
- بیوقوف انسان عقلمند کی سیڑھی ہوتا ہے۔
- اگر عجلت میں جانا ہو تو اکیلے جاؤ، دور جانا ہو تو دوسروں کے ساتھ مل کر جاؤ۔
- عقلمند انسان بولنے سے پہلے سوچتا ہے۔
- کھینچنے سے بھی گھاس جلدی نہیں اگتی۔
- جب ہاتھی پیچھا کرے تو بھینس کو اپنی طاقت بھول جاتی ہے۔
- بارش کسی کی دوست نہیں، ہر کسی پر برستی ہے۔
- جسے آنکھ دیکھ لے، ہاتھ بھی وہیں پڑے گا۔
- بوڑھے آدمی کے پیٹ میں کیلنڈر ہوتا ہے۔
- داڑھی والے کو آگ میں پھونک نہیں مارنی چاہیئے۔
- احمق کی 40باریاں اور عقلمند کی ایک۔
- خشک درخت خود کو جلنے سے نہیں بچا سکتا۔
- قانون اسی کا جس کے ہاتھ چھری کا دستہ۔
- صرف آگے کو چلنے سے ہی سفر ختم ہوتا ہے۔
- ایک دوسرے سے بات کرنا ہی پیار ہے۔
- جب بندر دیکھ رہا ہو تو مونگ پھلی مت کاشت کرو۔
- جو درخت کو ہلائے گا، پھل بھی وہی پائے گا۔
- جو درخت پر چڑھنا چاہے گا، اسے اوپر کی بجائے نیچے سے چڑھنا ہوگا۔
- جس کا پیٹ بھرا ہو، وہ بھوکے کے لئے آگ نہیں جلائے گا۔
- جو کھل کر بات نہ کرے، وہ آپ کا دوست نہیں۔
- جو اپنے کتے کو چاہتا ہے، اسے کتے کے چیچڑ کو بھی چاہنا ہوگا۔
- جو آہستہ چلے گا وہ دور تک جائے گا۔
- دو بادشاہ ایک کشتی میں سوار نہیں ہوتے۔