عمران خان
عمران خان (پیدائش: 5 اکتوبر 1952ء) ایک پاکستانی سابق کرکٹر اور سیاستدان ہیں جنہوں نے اگست 2018ء سے اپریل 2022ء تک پاکستان کے 22ویں وزیراعظم کی حیثیت سے خدمات انجام دیں۔ وہ سیاسی جماعت پاکستان تحریک انصاف (پی ٹی آئی) کے بانی و چیئرمین ہیں۔ سیاست میں داخل ہونے سے پہلے خان پاکستان کرکٹ ٹیم کے کپتان رہے اور 1992ء کے کرکٹ ورلڈ کپ میں اسے فتح دلوائی۔
.jpg)
اقتباسات
[ترمیم]- اپنی جوانی کے ڈھلتے ہوئے حصے میں، آج میں نے یہ کپ جیت لیا ہے۔
- میں نے سیاست کو کبھی کریئر نہیں سمجھا۔ میرا مقصد تھا کہ اس ملک کو اقبال کے تصور کے مطابق حقیقی فلاحی ریاست بنایا جائے۔
- میں ملٹری سیکریٹری کے گھر کے پاس تین کمروں کے گھر میں رہوں گا۔ تین ملازم رکھوں گا۔ میں صرف سکیورٹی کی وجہ سے یہاں رہ رہا ہوں۔
- آج پاکستان کے معاشی حالات مشکل ہیں۔ پاکستان پر 2013ء میں 15 ہزار ارب کا قرضہ تھا اور آج 23 ہزار ارب قرضہ ہے۔ ہم قوم کو یہ بھی بتائیں گے کہ اس قرضے کی رقم کہاں گئی۔ ہم ان قرضوں پر عائد سود کو ادا کرنے کے لیے بھی مزید قرضے لے رہے ہیں۔
- میں عوام کو سادہ ترین زندگی گزار کر دکھاؤں گا، میں عوام کوایک ایک پیسہ بچا کر دکھاؤں گا اور جب تک حکومت میں ہوں کوئی کاروبار نہیں کروں گا۔
