ابو العلاء معری

ابو العلاء معری (پیدائش: دسمبر 973ء – وفات: مئی 1057ء) عرب شاعر اور فلسفی تھا۔

معری سے متعلق اقوال و اقتباسات

علامہ محمد اقبال

• کہتے ہیں کبھی گوشت نہ کھاتا تھا معری
  پھل پھول پہ کرتا تھا ہمیشہ گزر اوقات
  اک دوست نے بھونا ہوا تیتر اسے بھیجا
  شاید کہ وہ شاطر اسی ترکیب سے ہو مات
  یہ خوان تر و تازہ معری نے جو دیکھا
  کہنے لگا وہ صاحب غفران و لزومات
  اے مرغک بیچارہ ذرا یہ تو بتا تو
  تیرا وہ گنہ کیا تھا یہ ہے جس کی مکافات؟
  افسوس صد افسوس کہ شاہیں نہ بنا تو
  دیکھے نہ تری آنکھ نے فطرت کے اشارات!
  تقدیر کے قاضی کا یہ فتویٰ ہے ازل سے
  ہے جرم ضعیفی کی سزا مرگ مفاجات!
  • بال جبریل، صفحہ 156-157

کتابیات

• علامہ محمد اقبال: بال جبریل، مطبوعہ شیخ غلام علی اینڈ سنز پبلشرز، لاہور، اکیسواں ایڈیشن، مئی 1976ء